WILLEMSTAD- 16 yüli 2015: Entrante 21 di yüli próksimo, e kompania di aviashon Avior Regional lo kuminsá ku buelo dos bes pa siman riba djamars i djaweps entre Caracas i Kòrsou. E buelo inougural a tuma lugá dia 16 di yüli último. Na yegada di e promé buelo a hiba palabra Minister di Desaroyo Ekonómiko, sr. Stanley Palm, Presidente di Avior Regional, sr. Gianfranco Fariña i tambe CEO di Curaçao Airport Partners (CAP) sr. Ralph Blanchard.
Riba e buelo inougural e presidente di Avior Regional sr. Gianfranco Fariña a keda kompaña pa 50 invitado di e liña aéreo. Avior Regional ta un kompania di aviashon venesolano miembro di e Grupo Avior. Kòrsou lo ta e promé ruta internashonal di Avior Regional ku tabata bulando te na e momentunan aki e rutanan Valera (estado Trujillo), Barinas (estado Barinas) i Caracas (Maiquetia). E eskoho pa inisiá ku un ruta internashonal ta forma parti di e maneho di Grupo Avior pa sigui traha riba ekspanshon, kresementu i renovashon di e grupo empresarial.
E buelonan lo ser efektuá riba djamars i djawepsdos bes pa dia:
|
Ruta |
Orario |
|
Caracas – Kòrsou |
09:30 – 11:00 |
|
Kòrsou – Caracas |
11:40 – 12:10 |
|
Caracas – Kòrsou |
15:00 – 16:30 |
|
Kòrsou – Caracas |
17:10 – 17:40 |
Avior Regional lo hasi uso di un Fokker 50 ku un kapasidat di 50 stul. E buelo nobo aki sigur lo kontribuí pa por ofresé mas opshon di biahe for di Venezuela pa Kòrsou. CTB i CAP ta yama e tim kompletu di Avior Regional i Grupo Avior un kaluroso bon bini.
