Zakito Recreation Area Reservation
Apresiabel bishitante di nos página,
Tuma nota ku e página di reservashon pa e área di rekreashon Zakitó ta temporalmente será pa tur petishon. E página lo habri bèk pa tur petishon di reservashon 6 di yanüari 2025.
Den e temporada aki, Ofisina di Turismo di Kòrsou lo no tuma niun reservashon mas. Tur petishon ku a risibí aprobashon lo risibí nan pèrmit di evento na momento ku e pago di wc wòrdu hasi.
Tene na kuenta ku e área di reservashon ta keda disponibel solamente pa e reservashon nan ku pèrmit.
Pa mas informashon por bèl Ofisina di Turismo di Kòrsou na +5999 461 8200.
Felis dianan di fiesta!
Bon bini na e página di Área rekreativo Zakitó.
Riba e página aki bo por hasi petishon pa e uso di e área rekreativo Zakitó. Ofisina di Turismo di Kòrsou (CTB) ke sigui brinda nos komunidat uso di e área aki, na un forma responsabel i kumpliendo ku reglanan aktual di Gobièrnu di Kòrsou.
Por fabor tene kuenta ku áreanan disponibel pa reservashon ta área B, C, D, E i F. Por fabor di lesa informashon tokante kada área i ta rekomendá pa pasa wak e área personal promé ku reservá e área skohé. Tur petishon lo keda kontestá denter di 2 dia di trabou. Por fabor check bo email spam folder tambe.
Deskripshon di e área B
Palapa grandi
Inkluí 3 ‘betontafel’ ku 18 ‘betonbank’
Max 50 persona
Área den banda ku por hasi uso di dje
E área aki ta adekuá pa personanan ku ta desea na pone un fiesta, un aktividat di mucha i famia, ‘get together’ ku ta rekerí banki i stul.
E área di santu liber den banda por hasi uso di dje pa pone èkstra mesa/stul/’setup’ di banda, etc.
Deskripshon di e área C
Palapa chikí
Bashí bou di palapa
Max 30 persona
Área den banda ku por hasi uso di dje
E área aki ta adekuá pa un evento ku por wordu personalisá manera e persona ta deseá. Tambe e ta apto pa gruponan ku ta deseá na hasi ehersisio bou di e palapa teniendo kuenta ku reglanan pa ehersisio.
Por hasi uso di e área di santu tambe rondó di e palapa pa pone èkstra mesa/stul/’setup’ di banda, etc.
Deskripshon di e área D
Palapa grandi
Inkluí un set di ‘betonbank’ largu
Serka di ‘grill station’
Max 20 persona
E área aki ta adekuá pa personanan ku ta deseá na pone un fiesta, un aktividat chikí di mucha i famia of ‘get together’. E ta serka di ‘grill station’; por reservá esaki huntu si ta nesesario.
Si no ta bai hasi uso di grill, no tin mester di reservá e ‘grill station’ huntu kune.
Deskripshon di e área E
Grill station’
Inkluí un set di ‘betonbank’ largu
Opshon pa pone bo mes parasòl
Max 15 persona
E área aki ta adekuá pa un evento di un grupo chikí of un ambiente ameno ku fasilidat pa grill.
Tene kuenta ku e ‘grill station’ aki ta pegá na un otro ‘grill station’.
Deskripshon di e área F
Grill station’
Inkluí un set di ‘betonbank’ largu
Opshon pa pone bo mes parasòl
Área den banda ku por hasi uso di dje
Max 20 persona
E área aki ta adekuá pa un bon fiesta òf un ambiente ameno ku fasilidat pa grill.
Por haso uso di e área di santu tambe banda di e ‘station’ pa pone èkstra mesa/stul.
Tene kuenta ku e ‘grill station’ aki ta pegá na un otro ‘grill station’.
