WILLEMSTAD- 19 di desèmber 2015 – Entrante 19 di desèmber American Airlines a kuminsá bula 1 biaha pa siman riba djasabra for di Charlotte Douglas International Airport (CLT) pa Kòrsou, ekspandiendo mas i mas den e aria di Karibe. Ku e buelo nobo aki, biaheronan tin akseso na mas di 720 buelo diario pa mas di 140 destinashon rònt mundu for di e hùb na Charlotte. Na yegada di e buelo a hiba palabra General Manager di American Airlines Aruba i Kòrsou, sr. Nelson Cortes, Chief Commercial Officer di Curaçao Airport Partners (CAP), sra. Peggy Croes, Direktor Interino di Curaçao Tourist Board (CTB), sr. Hugo Clarinda i Presidente i CEO di CHATA, sra. Liza Dindial.
E ruta nobo lo ser efektuá riba tur djasabra konforme e siguiente skema:
|
Ruta |
Salida |
Yegada |
|
Charlotte – Kòrsou |
9:35 AM |
2:39 PM |
|
Kòrsou – Charlotte |
3:30 PM |
6:50 PM |
Ku e buelo nobo aki, American Airlines ta ofresé awor 15 buelo semanal pa Kòrsou for di su hùb Charlotte i Miami.
Pa e buelo nobo di Charlotte pa Kòrsou, lo usa un Airbus 319 ku un kapasidat di 124 stul di kua 12 ta business class i 112 economy class. CTB, CAP i CHATA ta deseá American Airlines tur kos bon!
