Negocios y Ejecutiva Magazine (Miami) ta rekonosé yu di Kòrsou pa su prestashon tòp!
WILLEMSTAD- 27 di desèmber 2015 – Ofisina di Turismo di Kòrsou (CTB) ta felisitá su Marketing Manager pa e merkado di Nort Amérika, sr. André Rojer ku a keda rekonosé komo ‘Top Hispanic Entrepreneur 2015’ na Miami dor di e revista Negocios y Ejecutiva Magazine. Ta trata aki di e úniko revista na idioma spañó den Estado Unídos ku ta dirigí riba negoshi. Sr. André Rojer tabata entre e 12 personanan ku a risibí e rekonosementu aki. E premio ‘Top Hispanic Entrepreneurs’ ta keda entregá tur aña pa Negocios y Ejecutiva Magazine na ehekutivonan ku mas a destaká durante di e aña koriente. Sr. Rojer a risibí e rekonosementu pa su kontribushon komo entreprenùr poniendo énfasis riba balornan di e komunidat híspano i pa su embolbimentu ku e desaroyo empresarial den Estado Unídos. Masha pabien André!
Pa mas informashon por bishita e página wèp di e revista www.negociosmagazine.com
