…Komo parti di CTB su promoshon na New York..
WILLEMSTAD- 7 di novèmber 2017 – Resientemente Ofisina di Turismo di Kòrsou (CTB) a lansa na New York un aviso por medio di un wega interaktivo. Meta di e aviso interaktivo aki ta pa stimulá kuriosidat di esnan na New York pa sa mas tokante Kòrsou su produkto.
‘Gamification’ a bira un trènt mundial ku tin un impakto grandi riba diferente industria. Ku e proyekto spesífiko aki, CTB lo oumentá e interakshon ku e potensial turista na New York ku ya kaba ta buskando un destinashon pa bishitá durante di e temporada di wenter e aña aki. E wega atraktivo, kolorido i spesialmente diseñá pa Kòrsou ta keda promové via medionan sosial i ta enkurashá usuarionan pa purba baha un avion riba e vershon animá di Kòrsou. Un aterisahe eksitoso lo duna e usuario chèns di drenta un rifa na unda e lo por gana un premio grandi kual ta un biahe pa 2 persona kortesia di JetBlue Vacations i Hilton Curaçao. Usuarionan por kompartí e wega ku nan amigu i kontaktonan i eksplorá paketenan di biahe atraktivo pa Kòrsou di JetBlue Vacations.
