WILLEMSTAD- 23 di ougùstùs 2019 – Resientemente Ofisina di Turismo di Kòrsou (CTB) i Curaçao Airport Partners (CAP) a konkluí otro eksitoso roadshow na Merka. Ku e meta pa kontinuamente oumentá e kantidat di bishitante for di Nort Amérika, tantu CTB i CAP a djòin American Airlines Vacations pa topa agentenan di biahe. E seshonnan a tuma lugá na diferente siudat e.o Forth Worth, TX, King of Prussia, PA i Charlotte, NC. Durante di e roadshow a duna e agentenan di biahe informashon aktualisá di nos destinashon. Un di e propósitonan primario di e roadshow aki tabata pa promové Kòrsou komo un destinashon tòp pa e próksimo temporada, miéntras ta sostené i promové buelonan di American Airlines pa Kòrsou.
CTB ta gradisí partnernan den sektor privá Curaçao Marriott Beach Resort, Renaissance Curaçao Resort & Casino i Sunscape Curaçao Resort Spa & Casino ku tambe a forma parti di e delegashon. A probechá e plataforma grandi di agentenan di biahe pa introdusí Dreams Curaçao Resort Spa & Casino. E delegashon di Kòrsou a topa ku 125 agente di biahe.
