Air Belgium ta reinisiá su ruta Bèlgika – Kòrsou

Ofresiendo 2 buelo pa siman pa Kòrsou
WILLEMSTAD- 15 di desèmber 2021 – Entrante 15 di desèmber, Air Belgium su buelo for di Bèlgika pa Kòrsou ku frekuensia di 2 biaha pa siman riba djárason i djasabra a reinisiá. Na yegada di e promé buelo e avion a keda risibí ku e tradishonal saludo di awa. E buelo ta sali awor for di un gateway nobo esta Brussels Airport. E buelo di salida for di Bèlgika pa Kòrsou tin un stòp kòrtiku na Punta Cana. E buelo di regreso sí ta un buelo direkto. E konekshon ku Air Belgium ta ofresé, ta habri posibilidat pa Kòrsou risibí mas bishitante for di e merkado di Europa sea pa un biahe di negoshi òf plaser. Gobièrnu di Kòrsou, Ofisina di Turismo di Kòrsou (CTB), Curaçao Airport Partners (CAP) i Curaçao Airport Holding (CAH) ta felisitá Air Belgium ku reinisio di nan buelo for di Bèlgika pa Kòrsou.