WILLEMSTAD- 23 di ougùstùs 2023 – Resientemente Ofisina di Turismo di Kòrsou (CTB), Minister di Desaroyo Ekonómiko, sr. Ruisandro Cijntje huntu ku direktiva i studiantenan di Heilige Familie College (Kolegio Sta. Famia) a lansa e trapi banda di e viadukto na Otrobanda awor dekorá na obranan di mozaik. CTB konstantemente ta buska maneranan pa halsa i ekspandé nos produkto turístiko den maneranan kreativo i ora por ku partisipashon di nos komunidat.
E studiantenan den grupo 7 i 8 di Heilige Familie College a haña e tarea pa traha riba e obranan di mozaik den nan lès di kultura i arte. E trapi aki sigur lo bira un di e sitionan pa saka potrèt ku tantu nos hendenan lokal komo nos bishitantenan lo gusta i kompartí riba nan retnan sosial.
Durante e trayekto di preparashon CTB huntu ku Minister Cijntje a bishitá e studiantenan ku a tuma e tarea aki hopi na serio. E obranan di mozaik lo yuda embeyesé e área di Otrobanda mas ainda.
CTB ta gradisí sra. Nathalie Jonckheer pa kordiná e proyekto, Heilige Familie College pa nan kolaborashon i spesialmente e muchanan ku a traha riba e obranan.
CTB ta invitá nos komunidat pa bai i tuma nota di e trapi personalmente i no lubidá di saka potrèt.
![](https://www.curacaotouristboard.com/wp-content/uploads/2023/08/CTB-Trapi-dekora-na-obranan-di-mozaik-den-Otrobanda-22-L-1024x683.jpg)
![](https://www.curacaotouristboard.com/wp-content/uploads/2023/08/CTB-Trapi-dekora-na-obranan-di-mozaik-den-Otrobanda-24-L-1024x683.jpg)
![](https://www.curacaotouristboard.com/wp-content/uploads/2023/08/CTB-Trapi-dekora-na-obranan-di-mozaik-den-Otrobanda-25-L.jpg)
![](https://www.curacaotouristboard.com/wp-content/uploads/2023/08/CTB-Trapi-dekora-na-obranan-di-mozaik-den-Otrobanda-10-L.jpeg)