WILLEMSTAD- 11 di yüli 2024 – Resientemente, Ofisina di Turismo di Kòrsou (CTB) a organisá dos seshon di preparashon pa orkan i krísis pa e sektor di turismo. E seshonnan a tuma lugá den kolaborashon ku Ministerio di Desaroyo Ekonómiko (MEO) den su kapasidat komo ESF-10 (Emergency Support Functions #10), Servisio Meteorológiko Kòrsou (MDC) i Direktorado di Kontròl di Riesgo & Maneho pa Kalamidat (DRR).
Ku temporada di orkan aktivo, ta imperativo pa e sektor di turismo ta bon prepará. E seshonnan aki a suministrá e sektor di turismo ku informashon krusial i nesesario pa maneho durante temporada di orkan i krísis en general. E seshonnan tabata dirigí na partnernan den sektor di turismo manera hotèl, resort, apartamento, skolnan di buseo, atrakshon turístiko i otro nan, pa nan ta mihó prepará i resiliente den kualke eventualidat di krísis.
E apelashon ta bai na nos komunidat lokal tambe pa keda prepará i semper sigui e kanalnan ofisial manera, www.kalamidat.cw.
Durante temporada di orkan, laga nos tur keda prepará.
![](https://www.curacaotouristboard.com/wp-content/uploads/2024/07/Hurricane-and-Crisis-Preparedness-Sessions-for-the-Tourism-Sector-CTB-L-4-1024x683.jpg)
![](https://www.curacaotouristboard.com/wp-content/uploads/2024/07/Hurricane-and-Crisis-Preparedness-Sessions-for-the-Tourism-Sector-CTB-L-7-1024x683.jpg)
![](https://www.curacaotouristboard.com/wp-content/uploads/2024/07/Hurricane-and-Crisis-Preparedness-Sessions-for-the-Tourism-Sector-CTB-L-5-1024x683.jpg)
![](https://www.curacaotouristboard.com/wp-content/uploads/2024/07/Hurricane-and-Crisis-Preparedness-Sessions-for-the-Tourism-Sector-CTB-L-6-1024x683.jpg)