Willemstad, 18 di òktober 2024 – Curaçao North Sea Jazz (CNSJF) a regresá triunfalmente di 29 pa 31 di ougùstùs 2024, markando su di dies edishon despues di un ousensia di sinku aña. E evento a tuma lugá na World Trade Center i e evento a atraé 6.232 bishitante internashonal, re-afirmando su status komo un di e eventonan kultural prinsipal di Karibe. Huntu ku e bishitantenan internashonal, ku a disfrutá di tres anochi di e festival, tabatin 5.000 fanátiko lokal entusiasmá.
Mas ku simplemente un evento musikal, e festival a trese un impulso ekonómiko ekstraordinario pa Kòrsou, mesklando perfekto ku e identidat kultural di Kòrsou i kreando un espíritu festivo kontagioso ku a krea e esensia di ” Un Ritmo, Un Isla.” E ambiente vibrante aki a reflehá kon profundo e festival aki ta biba na Kòrsou. Huntu ku Kòrsou su paisahenan impreshonante, e evento di e aña aki a konta ku un line-up di streanan manera Marc Anthony, Juan Luis Guerra, Jennifer Hudson, Joss Stone, Eros Ramazzotti, Maluma, i hopi mas.
Un Fuente Ekonómiko Importante
CNSJF di 2024 a demostrá di ta un fuente ekonómiko importante pa Kòrsou, generando mas ku USD 14,2 mion na entrada kombiná, direkto i indirekto. E “Turista Pashoná pa Festival”, a representá 78.9% di asistensia, a biaha spesífikamente pa CNSJ i a gasta un averahe di $1,854.95 pa persona. E influensia di bishitante ku ta gasta hopi, prinsipalmente for di Hulanda, USA, Venezuela, Colombia, Aruba i Sürnam, a kontribuí ku mas di 9 mion na entrada direkto, miéntras cu e benefishinan indirekto a agregá 5 mion mas.
E impakto finansiero aki ta repartí entre kompanianan lokal, hotèl, restorant i servisio turístiko lokal, kreando un boost ekonómiko pa Kòrsou. Ademas 84% di bishitante tin plan pa regresá i pa rekomendá Kòrsou na otronan. E influensia ekonómiko di término largu di e festival ta bai hopi mas leu ku e evento mes, posishonando Kòrsou komo lider den destinashon kultural i turístiko.
Un Super Selebrashon Di Kultura i Hermandat
CNSJF 2024 no tabata solamente un festival—e tabata un selebrashon di bida, kultura i resiliensia. Despues di un interupshon mundial pa motibu di e pandemia COVID-19, e festival a simbolisá un renasementu di arte i resurekshon di e ròl di Kòrsou komo stage kultural internashonal. Un organisashon perfekto, aktuashonnan tòp i huntu ku e enkanto di nos isla a reforsá e status di Kòrsou komo un sentro kultural di promé nivel.
Ku 87,5% di bishitante ekspresando impreshonnan faborabel di e isla i mas ku 80% sintiendo un konekshon fuerte, tantu ku e festival komo ku Kòrsou, CNSJF a laga un legado duradero atras. E festival a mustra maraviosamente e ritmonan di paraiso, kombiná ku e magia di Curaçao North Sea Jazz. Miéntras e festival ta sigui krese, e ta hunga un ròl importantísimo den futuro di Kòrsou komo un destinashon kaminda, músika, kultura i hermandat ta bai brasa brasa.
