WILLEMSTAD- 4 di sèptèmber 2019 – Ofisina di Turismo di Kòrsou (CTB) resientemente a konkluí un kurso di Servisio na Kliente kual a keda ofresé na un grupo di taksista. Durante un seremonia ameno, 29 taksista a risibí nan sertifikado despues di a terminá e kurso ariba menshoná ku éksito. E kurso di Servisio na Kliente a konsistí di e siguiente modulonan: Servisio na bo òrdu!, Komunikashon efektivo, Kon pa atendé den situashonnan difísil i Bai e ‘extra mile’.
CTB ta gradisí tur partisipante pa nan partisipashon aktivo na e seshonnan i ta konta ku nan lo bai hasi bon uso di e konosementu atkerí den nan trabou diario.
