…A presentá e kampaña nobo “Siéntelo Por Ti Mismo” durantee feria turístiko anual ANATO…
WILLEMSTAD- 27 di mart 2019 – Kòrsou a partisipá na e di 38 edishon di ‘Vitrina Turística ANATO’ i a hala hopi atenshon ku su kampaña vibrante: Feel It For Yourself, stimulando mayorista- i aerolíneanan pa bende Kòrsou komo destinashon turístiko.
Colombia ta un merkado importante pa Kòrsou i a presta satisfaktoriamente komo e terser merkado mas importante na 2018 registrando 23.593 bishitante ekivalente na un kresementu di 38% kompará ku e aña anterior. Antó tin mas notisia! Kòrsou lo tin 13 buelo semanal for di Bogotá entrante medio aprel. Ta trata di e buelonan ku Avianca i awor ta bini aserka e buelonan ku Wingo entrante 11 di aprel próksimo.
E miembronan di e delegashon di Kòrsou a tene diferente reunion i a negoshá mas oportunidat pa oumentá e tráfiko pa Kòrsou ku mayoristanan, agentenan di biahe, aerolíneanan i kompanianan ku ta traha pakete pa gruponan bishitá un destinashon. CTB ta gradisí e tim di Kòrsou pa nan partisipashon aktivo durante di e feria. Ta trata di e siguiente partnernan; Acoya Curaçao Resort, Avila Beach Hotel, Hector Suites, Hilton Curaçao, Lions Dive & Beach Resort Curaçao, Kunuku Aqua Resort, Kura Hulanda Curaçao, Livingstone Jan Thiel Resort, Oasis Coral Estate Beach, Dive & Wellness Resort, Papagayo Curaçao, Renaissance Curaçao Resort & Casino, Santa Barbara Beach & Golf Resort, Sunscape Curaçao Resort Spa & Casino, Fiesta Tours, Elite Taxi Services, Rumba Tours, CHATA, Curaçao Airport Partners, Curaçao Airport Holding i CINEX. CTB ta antisipá mas negoshi i tráfiko for di Colombia pa Kòrsou komo resultado di e eksitoso partisipashon di Kòrsou na ‘Vitrina Turística ANATO’ 2019.
