…Durante evento na New York City…
WILLEMSTAD- 20 di febrüari 2018 – Resientemente, Kòrsou a partisipá na TravMedia su International Media Marketplace na siudat di New York. Gianina Atalita (CTB) i Michelle George (Diamond PR) a reuní ku 24 periodista prominente den un serie di enkuentro personal, ‘one-on-one’, di 15 minüt kada un, den kua nan por a kompartí notisia di e isla i historia úniko, i na mes momento forma laso mas fuerte ku medionan di komunikashon, habriendo kaminda di e manera ei pa kolaborashon den futuro.
E evento a tuma lugá na Javits Center, den un área di ekshibishon enorme rondoná pa muraya di glas, konosí komo River Pavilion. Komo 300 periodista norteamerikanoa partisipá den e serie di sita ku a inkluí mas di kuater ora pa desaroyá kontakto. Durante henter dia e representantenan a reuní ku diferente editor i outor freelance ku ta skirbi den medionan ku ta alkansá gruponan spesial i áreanan geográfiko importante pa Kòrsou, entre otro e Editor di Destinashon di Lonely Planet, e Editor Ehekutivo di New York Lifestyles Magazine, e Editor Asosiado di Endless Vacation i e Editor Asosiado di SmarterTravel. Algun di e otro outornan a representá Condé Nast Traveler, Travel Channel, USA Today, The Globe & Mail, Porthole Cruise Magazine, am New York, Time Out New York, Brides, Thrillist, the Philadelphia Sun Newspaper, the Queens Chronicle i mas.
