a firma alabes e akuerdo di ehekushon pa e programa di training….
WILLEMSTAD- 4 di yüli 2022 – E promédia di registrashon pa kursonan den sektor di turismo i hospitalidat tabata satisfaktorio. Mirando e desaroyonan aktual kaminda tin falta di personanan prepará pa laborá den sektor di turismo, Gobièrnu di Kòrsou a pone fondonan disponibel pa riba término kòrtiku start diferente training pa prepará personanan pa por yena e vakaturanan. E personanan ku a akudí riba e promé dia di registrashon por a inskribí pa un di e kursonan ku ta bai start próksimamente kual ta: kokí, weiter, bartènder i housekeeping.
Ademas, riba e promé dia di registrashon a tuma lugá firmamentu ofisial di e akuerdo di ehekushon pa e programa di training ku ta bai start. E akuerdo a keda firmá pa Minister enkargá ku Desaroyo Ekonómiko, sr. Ruisandro Cijntje i sr. Hugo Clarinda, direktor athunto di Ofisina di Turismo di Kòrsou (CTB). E firmamentu a tuma lugá den presensia di Minister sra. Ruthmilda Larmonie-Cecilia enkargá ku Desaroyo Sosial, Labor i Bienestar, sra. Zulaika Mook (MEO), sra. Maria-Helena Seferina-Rojas (CHATA) i sr. Zeno Circkens (CRA).
Ainda tin oportunidat pa registrá riba djamars 5 di yüli na Sambil Curaçao entre 8:30 mainta pa 3’or di atardi.
