Hospitality Training Registration

BO KE DJÒIN E TIM DI TURISMO?

Ministerio di Desaroyo Ekonómiko, huntu ku Ministerio di Desaroyo Sosial, Labor i Bienestar, ku kooperashon di Ofisina di Turismo di Kòrsou, ta koordiná e proyekto “Her -en Bijscholingstraject” pa e sektor di hospitalidat i turismo. Meta di e proyekto akí ta pa duna oportunidat na e buskadónan di trabou pa sigui un programa di entrenamentu ku posibilidat pa un trabou den sektor di turismo na Kòrsou.

Probechá di e oportunidat akí i inskribí pa un di e programanan di entrenamentu, manera Weiter, Kòki Asistente, Kamarera etc.
Si bo tin por lo ménos 24 aña i bo ta buskando trabou, esaki ta bo chèns pa kuminsá un karera satisfaktorio den e sektor di Turismo.

Rekisitonan pa éksito

Pa garantisá bo éksito den e entrenamentunan akí, nos ta buska personanan ku tin e siguiente kualidatnan:

• Dominio di Ingles básiko i/òf avansá, i tambe di un otro idioma stranhero.
• Un aktitut general positivo pa sirbi e bishitantenan ku entusiasmo.
• Fleksibilidat ku orario di trabou, inkluso dianan di fiesta.

E programanan di entrenamentu akí ta grátis!

Pa mas informashon, tuma kontakto ku nos via e-mail training@curacao.com òf via WhatsApp òf telefòn: 524-5742 òf 672-2347 (di djaluna pa djabièrnè, di 2 pa 5 pm).

No laga e oportunidat akí pasa bo bai. Registrá awor!